फुलवारीमा अनुसन्धान सम्बन्धि शिक्षकको क्षमता विकास कार्यक्रम सम्पन्न
सुदूरपश्चिम टाइम्स
२०८१ जेष्ठ २९, मंगलवार १८:२२
धनगढी । फुलवारीमा शिक्षकको अनुसन्धान सम्बन्धि क्षमता विकास कार्यक्रम सम्पन्न भएको छ । धनगढी १८ फुलवारीमा रहेको फूलवारी बहुमुखी क्याम्पसको आयोजनामा जेठ २७ र २८ गते शिक्षकको शशक्तिकरणका लागि अनुसन्धानमा दक्ष र सक्षम बनाउन तालिम सम्पन्न गरिएको हो ।
दुई दिने क्षमता विकास कार्यक्रमको सुदूरपश्चिम प्रदेश सभाका सांसद रमेश सिंह धामीले उद्घाटन गरेका थिए । तालिममा फूलवारी बहुमुखी क्याम्पस,चन्द्रोदय मावि,फूलवारी मावि,जनजागृति मावि,पवेरा मावि,गदरिया,बुलबुले क्याम्पस,चौमाला क्याम्पसका शिक्षक प्रतिनिधिहरुको सहभागिता रहेको आयोजक फूलवारी बहुमुखी क्याम्पसका प्रमुख बम बहादुर बमले जानकारी दिए ।
कैलाली बहुमुखी क्याम्पसका सह प्राध्यापक डा.प्रयाग राज जोशी र प्रेमराज जोशीले सहभागीलाई अनुसन्धान सम्बन्धि प्रशिक्षण दिन दिएका थिए। कार्यक्रममा टेक्नोलोजिकल विभागमा फूलवारी बहुमूखीका प्रमुख बम बहादुर बमले सहजिकरण गरेका थिए ।
तालिम पछि शिक्षकहरु अनुसन्धान लेखनमा सक्षम र दक्ष हुन र सिकाइलाई कसरी प्रविधिमैत्री तरिकाले दक्ष र सक्षम बनाउन सकिन्छ भन्ने बाटो तर्फ शिक्षकहरुलाई अग्रसर बनाउन अपेक्षा गरिएको क्याम्पस प्रमुख बमले बताए ।